Rættleiðing til Klaksvíkar Kommunu

Í fjølmiðlunum hóskvøldið 12. desember er skriv komið frá Klaksvíkar Kommunu. Ætlanin er at hækka foreldragjaldið fyri dagstovnapláss í kommununi.

Grundgevingin, ið nevnd verður í skrivinum er, at Føroya Pedagogfelag og Kommunala Arbeiðsgevarafelagið hava gjørt avtalu um lønarvøkstur fyri 2019, 2020 og 2021. Talan skal verða um ein lønarvøkstur á 6,95% tilsamans.

Sáttmálin millum Føroya Pedagogfelag og KAF, fyri lønir til starvsfólk á dagstovnaøkinum, er fyri tíðarskeiði 1. oktober 2017 til 1. oktober 2020. Seinasta lønarhækkan sambart sáttmálanum var 1. oktober 2019.

Tískil kenna vit okkum ikki aftur í fráboðanini frá Klaksvíkar Kommunu um, at hægri foreldragjøld skyldast hækkandi lønum.

FØROYA PEDAGOGFELAG

Skrivi frá kommununi sæst her:

https://nordlysid.fo/tidindi/62942/dagstovnagjoldini-haekkad-i-klaksvik?fbclid=IwAR3OwgrRlYw4g0jjokTw-i0Sfn_43K1RtJOoyfX5NYDt0DDlH9jCTwDpflc