Søkt verður eftir einum námsfrøðingi til Frítíðarskúlan í Badmintonhøllini at byrja 14. august 2019.

  • Niðursetta tíð
  • Tórshavn

Frítíðarskúlan í Badmintonhøllini

Søkt verður eftir einum námsfrøðingi í fast starv at arbeiða 20 – 30 tímar um vikuna.

Um námsfrøðingur ikki verður settur, kann hjálparfólk setast í tíðarsett starv.

Námsfrøðingar sum fáa prógv í summar, eru vælkomnir at søkja.

Vit ynskja umsøkjara:

  • sum hevur góð samstarvs- og samskiftisevni og megnar tí at virka

 fyri góðum samstarvi við foreldur, børn og starvsfelagar

  • sum hevur hug og evni at menna námsfrøðiliga arbeiðið á stovninum
  • sum setur í gongd ymisk virksemi
  • sum er sjálvstøðugur, álítandi og hevur gott yvirlit
  • sum sær møguleikar, heldur enn forðingar

Um okkum:

Í Frítíðarskúlanum í Badmintonhøllini ganga børn úr 1 og 2. flokki úr Sankta Frans Skúla. Til hvønn flokk eru knýttir ábyrgdarpersónar.

Vit liggja í einum stórum ítróttarøki í Gundadali. Góðir møguleikar eru at nýta vallir, svimjihøll og restina av nærumhvørvinum. Vit hava eitt friðað økið rundan um frítíðarskúlan, har vit hava fleiri smáttir, og ein á rennir framvið.

Vit hava góðar innandura umstøður. Vit hava ymisk verkstøð til skapandi evni, ítróttarhøll, púturúm, dukkukrók, lesikrók, eitt stórt felagsrúm og annað, har børnini fáa ment seg á ymiskan hátt, bæði gjøgnum skipað og óskipað tiltøk.

Í Frítíðarskúlanum í Badmintohøllini leggja vit stóran dent á frælsið og frítíðina hjá barninum, har barnið undir tryggum karmum er við til at skapa egnan gerandisdag við stuðli frá vegleiðandi vaksnum, sum menna einstaka menniskjað.

Setanarviðurskifti:

Størvini verða sett sambært sáttmála millum Føroya Pedagogfelag og Kommunala Arbeiðsgevarafelagið.

Umsókn:

Umsókn saman við viðkomandi upplýsingum um útbúgving, viðmælum og royndum, verður at senda til torshavn@torshavn.fo ella til Tórshavnar kommunu, Vaglið 32, 110 Tórshavn, í seinasta lagi mikudagin 22. mai 2019.

Setanarsamrøður verða væntandi í viku 22.

Meira fæst at vita:

Um starvið við at venda sær til Jan Laursen, stovnsleiðara, á telefon 284902 ella janl@torshavn.fo

To apply for this job email your details to torshavn@torshavn.fo