Pedagogblaðið: Landsstýrið vil útbúgva fleiri námsfrøðingar

Ein heildarætlan skal gerast fyri at økja árliga talið av námsfrøðilesandi, sigur Jenis av Rana, landsstýrismaður. Hann hevur tó ongar ætlanir um við lóg at áseta normeringar á dagstovnaøkinum.

INGOLF S. OLSEN – PRESS
Landsstýrið ætlar at gera nakað við stóra trotið á námsfrøðingum í landinum. Tað sigur Jenis av Rana, landsstýrismaður í uttanríkis- og mentamálum. Men tað fer at taka tíð at basa trupulleikanum.
– Samgongan hevur sett sær fyri at eftirmeta námsfrøðingaútbúgvingina, millum annað fyri at økja um talið av útbúnum námsfrøðingum.
Uttanríkis- og mentamálaráðið arbeiðir saman við Búskaparráðnum við at fáa gjørt eina greining av útbúgvingartørvinum næstu tíggju árini innan fleiri útbúgvingar; námsfrøði er ein teirra. Tá henda greiningin fyriliggur fyrst í næsta ár, verður ein heildarætlan løgd fyri, hvørji stig skulu takast fyri at økja um árliga talið av námsfrøðilesandi, sigur landsstýrismaðurin.

Fleiri hundrað mangla
Tað mangla fleiri hundrað námsfrøðingar í Føroyum. Sambært tølum hjá
Pedagogfelagnum eru tað umleið 2.000 námsfrøðilig størv í Føroyum, men bara umleið annað hvørt teirra er sett av námsfrøðingum. Restin erhjálparfólk.

Á dagstovnaøkinum eru umleið 1.400 størv. Helvtin ella kanska minni er námsfrøðingar har, sjálvt um dagstovnalógin ásetir, at tveir
triðingar av starvsfólkunum á dagstovnaøkinum skulu vera útbúnir námsfrøðingar. So bara fyri at koma upp á tað stigið, sum lógin krevur, mangla tað einir 400 námsfrøðingar á dagstovnaøkinum.

Á serøkinum heldur Pedagogfelagið, at tað mangla ímillum 200 og 250
námsfrøðingar.

Les alla greinina í Pedagogblaðnum.