Vælferðarlógin og lágmarks áseting í Løgtinginum.

Tvey stórmál, sum raka nærum allar limirnar í Føroya Pedagogfelag, eru á dagskrá í Løgtinginum í dag.

Fyrst á skránni er uppskot til løgtingslóg um almannatrygd og vælferð, eisini kallað ”Vælferðarlógin”, sum skal tryggja øllum borgarum virðilig kor og javnbjóðis møguleikar.

Seinni í dag verður fyrsta viðgerð av lógaruppskotinum um minstamark av starvsfólkatímum á dagstovnum.

Tvey mál, ið hava avgerðandi týdning fyri menniskjuni, sum okkara limir hvønn dag skulu vera um.

Hetta er fyrsta viðgerð og væntandi verða uppskotini beind í nevnd, við eftirfylgjandi hoyring hjá viðkomandi pørtum.

Vit ynskja uppskotunum góðan byr og viðgerð í tinginum.