Leiðaradagur

Føroya Pedagogfelag bjóðar eindarleiðarum, leiðarum og varaleiðarum sum eru limir, til leiðararáðsfund á Hotel Hilton Garden Inn 20.11.2020 kl. 15.00

Endamálið er at hava ein aðalfund har limirnir skulu velja 5 limir í leiðararáðið.

Av tí at leiðararáðið ikki er mannað sambært starvsskipanini, skulu allir 5 limirnir veljast, 3 fyri trý ár og 2 fyri tvey ár. Eisini skulu 4 eykalimir veljast.

Sambært Starvsskipanini § 3 Aðalfundur, verður skráin hendan

Leiðararáðið verður valt á aðalfundi, sum hildin verður á hvørjum ári á regluliga ársaðalfundinum í Føroya

Pedagogfelag og hevur hesa skrá:

Kl. 15 Jógvan Philbrow, formaður bjóðar vælkomin

Kl. 15.15 Eydna Skaale, hevur fyrilestur um framburð í samskiftinum

Kl. 16.15

1. Val av fundarstjóra og skrivara
2. Ásetan av fundarskipan fyri aðalfundin
3. Frágreiðing frá ráðnum
4. Framløga av rokniskapi og fíggjarstøðu til kunningar
5. Framløga av fíggjarætlan og virksemisætlan til kunningar
6. Viðgerð av innkomnum uppskotum
7. Kunngerð av hvør er valdur í ráðini
8. Ymiskt

Eftir fundin verður ein hugnaløta, har ein 3 rættað máltíð fæst á matstovuni.

Vegna corona-tilmælini er neyðugt at boða frá luttøku eisini um ein verður við til máltíðina. Tað kunnu tit gera við at senda teldupost til pedagog@pedagogfelag.fo