NÝTT:

  • Í hesum parti vitja vit ADHD-felagið í Havn

    Í hesum parti vitja vit ADHD-felagið í Havn, har vit práta við Bjørg Dam, ið hevur verið forkvinna í felagnum síðan 2019, og við Biritu Kjærbo, sum er námsfrøðingur og eisini nevndarlimur í ADHD-felagnum.

    Samrøðan fevnur eitt sindur víða – prátið kemur sjálvandi inn á námsfrøði á ymiskan hátt, men eisini inn á tað meira persónliga, sum Bjørg og Birita hava upplivað. Og harvið koma vit eisini inn á meira sálarfrøði- og samfelagsrelateraði evnir, sum tó eru rættuliga viðkomandi, bæði innan námsfrøði- og lærarayrkið og onnur yrki innan relatiónsarbeiði.

  • Harry Knudsen prátar um sertoymi í Skúlanum við Løkin

    Í hesum parti vitja vit sertoymið í Skúlanum við Løkin, (Runavíkar Kommunskúli), har vit práta við Harry Knudsen, námsfrøðing.

    Harry er ein evnaríkur listamaður, ið hevur seráhuga fyri tí handverksliga og náttúruni, og nýtir hesi ‘amboð’ saman við hinum starvsfólkunum við Løkin, millum annað sum eitt slag av hjálpartóli, tá ið dagar eru torførir hjá summum næmingum. Uttandura umhvørvið og tað handverksliga sum heild gera tey nógv við í Runavík, har tey ikki eru bangin fyri at víkja frá tí ”vanliga” skúlaskemanum.

    Eisini fara vit at hoyra Harry tosa um, hvussu tey skipa seg og arbeiða við tilgongdum, ið inkludera sertoymi og hinar flokkarnar í fólkaskúlanum – báðar vegir.

  • At vera lesandi í Føroyum

    Í hesari upptøku práta vit við Jonnu Mariu við Á og Sólveig á Torvlaðnum, ið báðar eru námsfrøðilesandi á Setrinum. Vit fara millum annað at hoyra, hvussu tær uppliva at vera námsfrøðilesandi í Føroyum – hvat er gott og hvat er minni gott, og um teirra námsfrøðiligu áhugamál. Aftrat hesum fara vit eisini at hoyra um Lesandiráðið, ið tær báðar, saman við øðrum, eru í holt við at menna.

  • Margarinfabrikkin

    Í hesum parti av námsvarpinum práta vit við Saluu Manai og Sæbjørn Johannesen úr Margarinfabrikkini í Havn. Prátað verður millum annað um, hvussu frítíðarpedagogikkur og ungdómshús/tilboð kunnu geva børnum og ungum eitt ‘frírúm’ frá krøvum og prestatiónstrýsti í einum ofta sera skjóttgangandi samfelag.

  • Nýtt námsvarp við Susan Hart.

    Í hesum parti av námsvarpinum, fara vit at hoyra donsku Susan Hart (sálarfrøðing) greiða frá, hvat Neuroaffektiv Udviklingspsykologi er, og hvussu tað verður og kann nýtast innan námsfrøði.

    Eisini fer hon at fortelja um upprunan til Neuroaffektiv Udviklingspsykologi, og hvat ið fakliga hevur ávirkað hesa teori og tilgongd. Hoyr millum annað, hvat Susan meinar við, tá hon sigur, at “kenslurnar, eru okkara gloymda systir.”

  • Neuro-Námsfrøði 6. sending, desember 2023

    Hoyr Lis Jonhardsdóttir Sørensen greiða frá.

    Lis er útbúgvin námsfrøðingur í Føroyum í 2006 og hevur seinni sum ein av heilt fáum føroyingum tikið eftirútbúgving í neuronámsfrøði. Tað gjørdi hon á professiónsháskúlanum UCN (University College of Northern Denmark) í Aalborg í 2014.

  • Skíggjanýtsla – talgildi alheimurin er ikki svart-hvítur. 5. sending, november 2023

    Er skíggjanýtsla hjá børnum og ungum bara av tí ringa? Tað helt Sunnuva Egilstrøð Poulsen í veruleikanum, áðrenn hon sum námsfrøðilesandi fór í gongd við sína bacheloruppgávu um júst skíggjanýtslu. Hon tók námsfrøðiútbúgvingina í Danmark, á Københavns Professionshøjskole – Campus Carlsberg. Sunnuva tók prógv í summar og starvast nú sum námsfrøðingur í Skúlanum á Trøðni.

    Mynd: 11 ára gamla Serafia og mamman Sunnuva Egilstrøð Poulsen, námsfrøðingur

  • Ari Brimheim og mamman Krista um autismu
  • Dagstovnurin Kura

    Kollafjørður

  • Guliskúli

    Útgivið 2. august 2023

    Hvat verður gjørt í Gulaskúla, á Argjum, samrøða við Una Wardum

  • Hví eitt Námsvarp?
    Hví fara undir eitt námsvarp. Ingolf, Nicodemus og Jógvan Philbrow