Føroya PedagogfelagAðalfundurin hjá Føroya Pedagogfelag verður á Hotel Føroyum
2. mars 2024
Skráin fyri fundin er sambært lógum felagsins og sæst á heimasíðuni www.pedagogfelag.fo
Uppskot til aðalfundin §8, 4. stk.
Ynskir limur uppskot viðgjørt á aðalfundinum, skal uppskotið latast nevndini, við skrivligari váttan frá viðkomandi uppskotsstillara, og vera nevndini í hendi í seinasta lagi 1.februar.
Sama er galdandi fyri uppskot um ásetan av limagjaldi.
Val av nevndarlimum og formanni §8, 8. stk.
Formaðurin og tríggir nevndarlimir standa fyri vali.
Formaður og tveir nevndarlimir til 3 ára valskeið 2024-2027.
Ein nevndarlimur – triðvaldi til 1 ára valskeið 2024-2025.
Uppskot til valevni, saman við váttan frá tí uppstillaða, skulu vera felagnum í hendi í seinasta lagi 1.februar.
Val til Leiðararáðið, Námsfrøðingaráðið og Hjálparfólkaráðið § 12
Uppskot til valevni til ráðini, saman við váttan frá tí uppstillaða, skulu vera felagnum í hendi í seinasta lagi 1. februar.
Hjá Leiðararáðnum standa trý fyri vali til 3 ára valskeið 2024-2027.
Hjá Námsfrøðingaráðnum standa tvey fyri vali, ein til 2 ára valskeið 2024-2026 og ein til 1 ára valskeið 2024-2025.
Hjá Hjálparfólkaráðnum standa fýra fyri vali. Trý til 3 ára valskeið 2024-2027 og ein til 2 ára valskeið 2024-2026.
Um tað sambært § 8, stk. 7 eru ov fá valevni til, at eykalimir eru, kann aðalfundurin skjóta upp og velja upp til tríggjar limir á aðalfundinum. Atkvøðast kann tá á sjálvum aðalfundin.
Av tí at formansval og nevndarval er á skrá í senn, so fáa allir limir felagsins í minsta lagi tvær vikur innan aðalfundin atgongd til atkvøðuskipan, ið umsiting felagsins skipar fyri í samstarvið við løgfrøðing ella grannskoðara felagsins.
Uppskot skulu sendast til:
Føroya Pedagogfelag
Tungugøta 1
100 Tórshavn
ella til: pedagog@pedagogfelag.fo
Nærri kunning kemur á heimasíðu felagsins seinni.
Nevndin