Ynskir tú at arbeiða við børnum við serligum tørvi í einum fakliga sterkum og mennandi umhvørvi?
So hevur tú nú møguleika at gerast partur av okkara toymi.

Vit søkja eftir tveimum námsfrøðingum og hjálparfólki, at arbeiða í frítíðarskúlanum í  Skúlanum á Trøðni.

 

Talan er um:

Fýra føst størv í brøkinum 0.75

Eitt tíðaravmarkað starv á uml. 22 t/v vegna avlopstímar skúlaárið 2026-27

 

Starvsbyrjan er 12. august 2026. 

 

Um frítíðarskúlan í Skúlanum á Trøðni

Frítíðarskúlin er saman við skúlanum á Trøðni eitt heildagstilboð, sum fevnir um børnini, sum ganga í 1. og 2. flokki og nøkur av teimum eldru næmingunum, ið hava ein meira umfatandi tørv á stuðli í skúladegnum og í frítíðini.

Vit ynskja at gott samspæl er millum skúla og frítíðartilboð, og leggja tí dent á at hava ein støðugan starvsfólkahóp, ið skipar ein greiðan og væl struktureraðan gerandisdag.
Í Heildagstilboðnum verður arbeitt við skipaðari námsfrøði, málmenning, visuellum strukturi og týðiligheit.

Arbeitt verður vanliga í smærri bólkum og ein til ein. Strembað verður eftir at skapa best møguligu menningarmøguleikar, so at barnið á bestan hátt kann menna sínar málsligu, sosialu, persónligu og kropsligu førleikar.

Vit vænta, at tú:

• hevur áhuga og hegni at arbeiða við børnum við serligum tørvi
• ert nærverandi, jaligur og ábyrgdarfullur
• megnar at arbeiða bæði sjálvstøðugt og í toymi
• arbeiðir skipað og við tolni og hevur góð samstarvsevni
• møtir væl upp
• tosar og skilir føroyskt
   

Vit bjóða:

• møguleika at seta tín dám á arbeiðið
• fakliga ráðgeving og vegleiðing
• tíð til fyrireiking og samstarv
• viðkomandi skeið og førleikamenning
• eitt gott arbeiðsumhvørvi við dugnaligum starvsfeløgum
• eitt arbeiðspláss, sum leggur dent á trivnað og felagsskap
   

Setanarviðurskifti

• Arbeiðstíð: mánadag til fríggjadag frá 11.00  til 16.00/17.00, tó ávísar dagar frá 9.00 og 7.45
• Starvið verður sett samsvarandi galdandi sáttmála millum Føroya Pedagogfelag og Fíggjarmálaráðið
   

Tann, ið settur verður, eigur at tola broytingar í starvinum.

Umsókn

Umsókn við prógvum, c.v. og møguligum viðmælum

skal sendast til: sat@sat.fo viðmerk “starv, frítíðarskúli”.

Umsóknarfreist: 10. Juni 2026 kl 12.00

 

Meira at vita

Vilt tú vita meiri um starvið, ert tú vælkomin at venda tær til leiðaran í frítíðarskúlanum,

Inger Ziska Simonsen á tlf. 271203

Setanarsamrøður

Setanarsamrøður verða hildnar stutt eftir umsóknarfreistina.